Адказнасць за забойства палкоўніка СБУ Вароніча ў Кіеве ўзяла на сябе неанацысцкая групоўка «База»
Украінская ячэйка неанацысцкай групоўкі «База» ўзяла на сябе адказнасць за забойства палкоўніка Службы бяспекі Украіны Івана Вароніча, паведамляе The Guardian са спасылкай на заяву, апублікаваную 16 ліпеня ў тэлеграм-канале, меркавана звязаным з гэтай групоўкай.
«Забойства палкоўніка СБУ — не канец, а толькі пачатак», — прыводзіць паведамленне The Guardian. У іншым допісе, як сцвярджаецца, дададзена: «Паляванне працягваецца!»
Па інфармацыі крыніц The Guardian у сферы барацьбы з тэрарызмам, паведамленні выглядаюць праўдападобна і сведчаць пра рост актыўнасці «Базы». Суразмоўцы выдання паведамілі, што ўкраінская ячэйка гэтай групоўкі актыўная з сакавіка — за гэты час, па іх словах, яна здзейсніла не менш за 10 падпалаў аб’ектаў інфраструктуры.
Характар злачынства адпавядае заявам і пагрозам, якія групоўка рэгулярна публікуе, гаворыцца ў публікацыі.
Палкоўніка СБУ Івана Вароніча застрэлілі раніцай 10 ліпеня ў Галасееўскім раёне Кіева. Гэта адбылося, калі ён выходзіў з пад’езда свайго дома — невядомы некалькі разоў стрэліў у яго з пісталета і знік.
Вароніч служыў у Цэнтры спецыяльных аперацый, які займаўся дыверсіямі супраць расійскіх сіл з 2014 года.
СБУ сцвярджае, што Вароніча забілі агенты расійскіх спецслужбаў па заданні ФСБ. Згодна з паведамленнем СБУ, агентаў, грамадзян Азербайджана, знайшлі ў Кіеўскай вобласці. Пры затрыманні яны аказалі супраціў і былі забіты.
Цяпер чытаюць
Трамп запрасіў Лукашэнку ўвайсці ў Раду міру па Газе40
Каментары
Няўжо ізноў ва Ўкраіне з'явіліся нейкія "нацысты"?