Кіроўца на запраўцы выйшаў з машыны праз пасажырскія дзверы і атрымаў штраф. Жарт не ўдаўся
Мужчына правёў дзіўную маніпуляцыю проста пад разумнай камерай. Аказалася, рабіў ён гэта не проста так.
Скрыншот відэа міліцыі Брэсцкай вобласці
ДАІ Брэсцкай вобласці пакарала кіроўцу, які на запраўцы выбраўся з машыны праз дзверы пасажырскага месца. Выявілася, мужчына такім чынам хацеў перахітрыць сілавікоў.
На відэа са смарт-камеры бачна, як да калонкі пад'ехаў мікрааўтобус. Пасля нядоўгай паўзы кіроўца перабраўся на пасажырскае сядзенне і выйшаў з машыны.
ДАІ з дапамогай камер вызначыла, што за рулём быў 69-гадовы бяспраўнік. Дакументы ў яго адабралі за п'яную язду, але ён працягваў ездзіць за рулём.
Высветлілася, што пенсіянера злавілі за яздой без правоў не ўпершыню: у чэрвені яго за гэта ўжо каралі. Цяпер ён, як рэцыдывіст, атрымаў павышаны штраф 840 рублёў.
Каментары