Аляксандра Герасіменя пра продаж кватэры з аўкцыёну: Патэлефанавалі ўласніку і сказалі, што будуць адбіраць
Пра тое, што кватэру, дзе была прапісана алімпійская прызёрка разам са сваёй дачкой, выставілі на аўкцыён, Аляксандра Герасіменя даведалася з навін.
Нагадаем: у 2022 годзе беларускі суд завочна прысудзіў двухразовай алімпійскай прызёрцы Аляксандры Гермасімені 12 гадоў калоніі. Таксама ў яе арыштавалі амаль 50 тысяч даляраў на рахунках, кватэру, машыну і іншую маёмасць.
Тады Аляксандра распавядала, што не ўся тая маёмасць належыць ёй:
— Арыштаваная кватэра не ў маёй уласнасці, як і гараж і ўсё, што ўнутры кватэры і гаража. Гэта кватэра майго блізкага сваяка, і там прапісаная, акрамя мяне і мужа, дачка, таму я не ведаю, як яны могуць яе забраць. Але ж у нашай краіне няма ніякіх законаў.
Каля двух месяцаў таму Аляксандра даведалася, што наконт кватэры званілі ўласніку.
— Там ніхто не жыў, але ж былі прапісаныя мы з дачкой і ўсёй сям’ёй, таму ўсё неяк дзіўна. Проста патэлефанавалі ўласніку і сказалі, што будуць адбіраць. То-бок забралі чужую кватэру, а запісалі, быццам мая, — адказала яна «Нашай Ніве».
На пытанне, ці верыць яна, што некалі атрымаецца вярнуць тую кватэру, Аляксандра адказвае спакойна:
— Не ведаю нават. Атрымаецца — добра. Не атрымаецца — ну і ладна.
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная11
Каментары
але дзеля беларусау́ гэта таямніца палішынэля
P.S. Хоць канешне хітры перакуп можа паўторна прадаваць ужо ад свайго імя. Рэестр праблемнай маёмасці не зашкодзіць.