ЕГУ папярэдзіў беларусаў пра меры бяспекі пасля прызнання сваіх рэсурсаў «экстрэмісцкімі»
Еўрапейскі гуманітарны ўніверсітэт, чый сайт і сацыяльныя сеткі нядаўна былі прызнаныя ўладамі Беларусі «экстрэмісцкімі матэрыяламі», звярнуўся да грамадзян з рэкамендацыямі па асабістай бяспецы.
Фота ілюстрацыйнае
Згодна з цяперашнім заканадаўствам у Беларусі, а асабліва з-за вельмі адвольных яго трактовак на практыцы, карыстанне «экстрэмісцкімі матэрыяламі» можа мець вынікам накладанне штрафу ці адміністрацыйны арышт. Таму ЕГУ раіць тым, хто жыве ў Беларусі ці наведвае яе, выконваць наступныя правілы:
- чысціць гісторыю браўзэра пасля кожнага наведвання сайта ehu.lt (на любой мове);
- не рабіць перапосты матэрыялаў сайта ў публічных сацсетках;
- папярэдзіць знаёмых, якія могуць карыстацца сайтам, пра рызыкі і меры бяспекі;
- адмяніць падпіскі на афіцыйныя акаўнты ўніверсітэта ў Instagram, Facebook, YouTube і іншых сетках.
Пры гэтым у ЕГУ падкрэсліваюць, што навучанне, даследаванні і іншая дзейнасць, звязаная з універсітэтам, пакуль не з’яўляюцца правапарушэннем. Сайт жа будзе працягваць працу з улікам абароны персанальных даных карыстальнікаў.
У брэсцкай міліцыі сцвярджаюць, што чытаць «Нашу Ніву» — ніякае не парушэнне
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
Прызналі «экстрэмісцкімі» фэйсбук-старонку і тэлеграм-канал Аляксандра Класкоўскага
КДБ прызнаў «Зялёную сетку» экстрэмісцкім фармаваннем
Цяпер чытаюць
Лукашэнка пра вызваленне палітвязняў: Хочуць застацца ў Беларусі — калі ласка6
Каментары