ЗША афіцыйна закрываюць агенцтва па міжнародным развіцці USAID. Дзяржсакратар Марка Рубіа паведаміў, што частка праграм будзе перададзена пад кантроль Дзярждэпартамента ЗША, а само агенцтва спыняе сваю дзейнасць.
Марка Рубіа адзначыў, што з пачатку года дзякуючы закрыццю USAID удалося ашчадзіць дзясяткі мільярдаў даляраў са сродкаў амерыканскіх падаткаплацельшчыкаў.
USAID быў створаны Кангрэсам ЗША у 1961 годзе і налічваў каля 10000 супрацоўнікаў па ўсім свеце. Гэта было асноўнае падраздзяленне ўрада ЗША па аказанні міжнароднай дапамогі. У тройку найбуйнейшых атрымальнікаў гэтай дапамогі летась увайшлі такія краіны, як Украіна, Эфіопія і Іарданія.
Раней адміністрацыя Дональда Трампа спыніла больш за 90% праграм дапамогі замежным дзяржавам праз USAID, а ў 2025 годзе было закрыта 83% праграм. Дзярждэпартамент цяпер мае непасрэдна кіраваць астатнімі прыкладна 1000 праграмамі.
Каментары
USAID гэта не вуда і не рыба, USAID гэта наркотык, на які падселі легіён залежных