Адна машына страчана, лётчык катапультаваўся.
21 красавіка ў 20.15 падчас ажыццяўлення планавага палёту ва ўмовах абмежаванай бачнасці пры выкананні манеўру павышанай складанасці адбылося сутыкненне ў паветры двух самалётаў МіГ‑29 927‑й знішчальнай авіяцыйнай базы (Бяроза).
Пра гэта паведаміла прэс‑служба Міністэрства абароны Беларусі.
У выніку адна з машын атрымала пашкоджанні, якія не далі магчымасці прадоўжыць палёт. Лётчык здолеў вывесці знішчальнік у раён 210‑га авіяцыйнага палігона
і, пераканаўшыся ў адсутнасці на зямлі населеных пунктаў, катапультаваўся.
Прафесійныя дзеянні іншага пілота дазволілі другой машыне паспяхова прызямліцца на базавым аэрадроме.
Цяпер жыццю лётчыкаў нішто не пагражае. Прычыны здарэння расследуюцца камісіяй Міністэрства абароны.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ19
Каментары