Міністэрства ўнутраных спраў Літвы заявіла, што пакуль не плануе ісці за прыкладам Польшчы і закрываць два дзейныя пункты пропуску на мяжы з Беларуссю, паведамляе LRT.
У сувязі з вучэннямі «Захад-2025» службы літоўскага МУС, у тым ліку памежнікі, працуюць у рэжыме павышанай гатоўнасці, узмацняецца кантроль і назіранне на мяжы, больш актыўна арганізуюцца патрулі.
Міністр унутраных спраў Літвы Уладзіслаў Кандратовіч падкрэсліў, што службы гатовыя хутка рэагаваць на магчымыя правакацыі ці незаконныя спробы перасячэння мяжы.
У ведамстве адзначылі, што пры змене абставін могуць быць прынятыя больш строгія рашэнні — аж да поўнага закрыцця пунктаў пропуску.
Прэзідэнт Літвы Гітанас Наўседа, у сваю чаргу, заявіў, што кожная краіна па-свойму рыхтуецца да вучэнняў «Захад-2025». Літва прыняла неабходныя меры бяспекі і спадзяецца на іх эфектыўнасць.
Самі вучэнні «Захад-2025» пачнуцца ў пятніцу і працягнуцца да наступнага аўторка. Напярэдадні ў Літве стартавалі вучэнні «Гром Перуна», у якіх удзельнічаюць каля 17 тысяч літоўскіх і саюзных ім вайскоўцаў. Паводле слоў камандуючага літоўскай арміяй Раймундаса Вайкшнораса, усяго ў манеўрах у краінах Балтыі і Польшчы ў гэтыя дні возьмуць удзел прыкладна 40 тысяч вайскоўцаў.
Міністр унутраных спраў Польшчы: Закрыццё мяжы будзе часовым, але адменяць яго не аўтаматычна
Ціханоўская: Для беларусаў мяжа з Польшчай — мяжа са свабодным светам
Кампаніі, якія арганізуюць паездкі ў Польшчу, адмяняюць рэйсы
Да чаго прывядзе поўнае закрыццё мяжы з Польшчай
Польшча закрывае мяжу з Беларуссю ў сувязі з вучэннямі «Захад-2025»
Літва ўзмоцніць ахову мяжы з Беларуссю і Расіяй на час вучэнняў
Каментары