Лукашэнка пракаментаваў сітуацыю з беспілотнікамі, што заляцелі ў Польшчу
Аляксандр Лукашэнка пракаментаваў інцыдэнт з беспілотнікамі, што заляцелі ў Польшчу ўчора, і рэакцыю польскага боку. Адпаведныя заявы ён зрабіў, прымаючы з дакладам пастаяннага прадстаўніка Беларусі пры ААН Валянціна Рыбакова, піша БелТА
«Бачыш, што адбываецца ў апошні час. Беспілотнікі туды заляцелі. Нават нас (упікалі). Яны да нас не ляцелі, гэтыя беспілотнікі. Мы бачылі, куды ляцелі гэтыя беспілотнікі. Усё, што маглі знішчыць, мы збілі, гэтыя беспілотнікі. Але некалькі засталося. Мы імгненна, загадзя, наколькі гэта магчыма, праінфармавалі Польшчу. Што ў выніку атрымалі?» — адзначыў Аляксандр Лукашэнка.
«Слухайце, як дзікуны. Вось накручваюць абстаноўку на роўным месцы. Яны, напэўна, хочуць, каб мы адэкватным чынам на гэта рэагавалі. Ну, я ўжо тысячу разоў папярэджваў, што мы не хочам ніякіх войнаў і канфліктаў. Мы не хочам закрыцця межаў. Але калі нас будуць ставіць перад фактам — мы вымушаныя будзем рэагаваць».
«Як я ўжо раней казаў, палякі — людзі разумныя. Яны не дапусцяць усялякіх шараханняў там — Тускаў, Наўроцкіх, Дудаў і гэтак далей. Паразумнеў, не стаў прэзідэнтам (маю на ўвазе Дуду) — разрадзіўся нейкімі інтэрв’ю. Першы быў падпальшчыкам вайны ва Украіне. Цяпер ужо абвінавачвае Украіну. Што гэта такое? Ну, гэта іх праблемы. Наша справа — абараніць краіну».
Расія нанесла масіраваны ўдар ракетамі і дронамі па Украіне. Польшча закрывала аэрапорты Варшавы і Любліна з-за шахедаў
Паветраную прастору Польшчы парушылі шматлікія беспілотнікі. Закрываліся аэрадромы, дроны збівала авіяцыя НАТА
Дрон упаў на жылы дом у Польшчы
Ціханоўская пра залёт расійскіх дронаў у Польшчу: Еўропа павінна адказаць адзінствам і сілай, каб спыніць гэтую агрэсію
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары