Сёння вечарам у Мінск прыбыла кітайская дэлегацыя на чале з сакратаром Цэнтральнай камісіі па праверцы дысцыпліны і членам Пастаяннага камітэта Палітбюро Камуністычнай партыі Кітая Лі Сі, паведамляе аналітычная група iSANS.
Раней паведамлялася, што Лі Сі ўзначаліць дэлегацыю партыі, якая з 17 па 24 верасня наведае Грэцыю і Беларусь.
Паездка ў Грэцыю адбывалася па запрашэнні партыі «Новая дэмакратыя», а ў Беларусь Лі Сі завітаў па запрашэнні адміністрацыі Аляксандра Лукашэнкі.
Верагодна, падчас сустрэчы Лі Сі з прадстаўнікамі беларускіх уладаў будзе абмяркоўвацца ў тым ліку пытанне закрытай польска-беларускай мяжы, з-за чаго церпіць справа транспартавання ў Еўропу кітайскіх тавараў.
Раней на гэтым тыдні кітайская дэлегацыя на чале з міністрам замежных спраў Кітая Ван І правяла сустрэчы ў Польшчы. Сярод іншага яна сустрэлася з прэзідэнтам Польшчы Каралем Наўроцкім і міністрам замежных спраў Радаславам Сікорскім. Падчас гэтых сустрэч бакі абмеркавалі транзіт кітайскіх тавараў праз Беларусь і поўнае закрыццё Польшчай мяжы з Беларуссю.
Польшча за адкрыццё мяжы чакае саступак ад рэжыму Лукашэнкі, у першую чаргу ў пытанні спынення міграцыйнага крызісу.
У Беларусь прыедзе высокі кітайскі чыноўнік
Ці паўплывае Кітай на Лукашэнку, каб польская мяжа адкрылася?
Сікорскі: Мяжу з Беларуссю адкрыем, калі Кітай нам дапаможа
МЗС Польшчы пра закрыццё мяжы: Думаем перш за ўсё пра дзяржаўную бяспеку, а не пра эканамічную выгаду або выдаткі
Сустрэліся міністры замежных спраў Польшчы і Кітая. Па просьбе кітайскага боку заяваў для прэсы не было
Цяпер чытаюць
«Яна гадамі цярпела, а пасля адзін раз ударыла мужа нажом — гэтага хапіла, каб забіць»12
Каментары