Суд у Брэсце пакараў чатырох мясцовых жыхароў па справе аб ухіленні ад падаткаў у асабліва буйных памерах. Па версіі пракуратуры, яны карысталіся схемай «раздрабнення бізнэсу» — дзялілі дзейнасць на некалькі фірмаў, каб плаціць менш падаткаў.
Гаворка ішла пра міжнародныя перавозкі і працу ў сферы грамадскага харчавання. У выніку дзяржава не атрымала больш за 3,6 мільёна рублёў падаткаў, частку з якіх потым усё ж вярнулі.
50‑гадовага жыхара Брэста прыгаварылі да 5 гадоў калоніі ва ўмовах узмоцненага рэжыму. Ён таксама мусіць заплаціць штраф у 210 тысяч рублёў і на 5 гадоў пазбаўлены права займаць кіраўнічыя пасады.
Трое іншых фігурантаў справы атрымалі пакаранне ў выглядзе «хатняй хіміі» (абмежаванне волі без накіравання ў калонію) ад 2 да 2,5 гадоў і буйныя штрафы — ад 168 да 210 тысяч рублёў.
Згодна з амністыяй, асноўнае пакаранне ўсім скарацілі на год.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
Па-другое, за такія злачынствы, павінны быць штрафы, але ніяк не 5 гадоў зняволення.
А то чалавек зарабляў грошы, на прадпрыемстве былі працоўныя месцы, а зараз пачнецца дэрэбан.
Пакуль уласнік будзе сядзець 5 гадоў.
Ну такое сабе, пакалечанныя лесы, ды і дзяржаве ад гэтага карысці як з казла малака.