Падчас расійскай начной атакі ва Украіне загінулі 6 чалавек. Сярод іх было немаўля
Расія ўдарыла адразу па некалькіх абласцях Украіны.
«Пад ударамі былі звычайныя гарады, у асноўным наша энергетыка, але ёсць шмат траплянняў і ў жылыя дамы. Пажары ў Запарожжы, траплянне ў дамы ў Кіеве. Пацярпелі Кіеўская, Адэская, Чарнігаўская, Днепрапятроўская, Кіраваградская, Палтаўская, Вінніцкая, Запарожская, Чаркаская і Сумская вобласці. Па стане на цяпер вядома пра 17 пацярпелых людзей. Шэсць чалавек, з іх двое дзяцей, на жаль, загінулі», — паведаміў Уладзімір Зяленскі.
У Кіеўскай вобласці, у сяле Пограбы Броварскай раёна, загінула сям'я — 38‑гадовая жанчына, шасцімесячнае немаўля і дванаццацігадовая дзяўчынка.
«Іх целы знойдзеныя на месцы пажару прыватнага дома», — паведаміў кіраўнік вобласці Мікалай Калашнік.
Каментары
Русские люди своими русскими руками убивают украинских детей. Точка. Остальное—дешевая софистика.