Каркас васьміпавярховага корпуса Мінскага анкацэнтра на пр. Незалежнасці, 64/10 практычна гатовы, паведаміў канал «Мінскстроя».
Будаўнікі практычна завяршылі ўзвядзенне каркаса васьміпавярховага корпуса Мінскага анкалагічнага цэнтра, які размешчаны на праспекце Незалежнасці. Корпус разлічаны на 1000 наведванняў у змену і будзе аказваць амбулаторна-паліклінічную і кансультатыўна-дыягнастычную дапамогу.
Будаўнікі ўжо завяршылі асноўны каркас. Над уваходнай групай, дзе былі запраектаваны вялікія пралёты без калон, яны залілі спецыяльнае палегчанае кесоннае перакрыцце, якое падобна на пчаліныя соты. Гэта дапамагае паменшыць нагрузку на нясучыя сцены і фундаменты, паведамляе канал.
З маналіту яшчэ трэба будзе ўзвесці прыбудову да будынка з боку РНПЦ дзіцячай хірургіі, а таксама пераходную галерэю, якая звяжа новы корпус з тэрапеўтычным на ўзроўні другога паверха.
Зараз на аб'екце ідуць дахавыя і кладкавыя работы — корпус імкнуцца накрыць да зімы.
Пасля ўладкавання даху пачнецца мантаж вокнаў, а потым зойдуць тынкоўшчыкі.
У новым корпусе размесціцца некалькі кансультатыўна-паліклінічных аддзяленняў, аддзяленні прамянёвай, магнітна-рэзананснай і УГД-дыягностыкі.
На другім паверсе з'явіцца вялікая канферэнц-зала на 200 месцаў, зала для нарад і навучальныя аўдыторыі для кафедры анкалогіі БДМУ.
Уваход у будынак будзе арганізаваны з узроўню зямлі, што забяспечыць безбар'ернае асяроддзе.
Фасад будынка будзе камбінаваным з вітражамі, а інтэр'еры будуць выкананы ў светла-бэжавым адценні з акцэнтнымі сінімі ўстаўкамі.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі33
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі3
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары