«Яшчэ некалькі дзён таму збіралі грыбы». Пінск і Брэст накрыў моцны снегапад
У Пінску раніцай 22 лістапада гараджане прачнуліся ў сапраўднай зіме: вуліцы, двары і аўтамабілі за ноч пакрыла шчыльным слоем снегу. Дрэвы літаральна апрануліся ў белыя футры, а двары сталі падобныя на снежаньскія — хаця да календарнай зімы яшчэ больш за тыдзень, паведамляе Onliner.by.
Мяркуючы па фатаграфіях, зробленых мясцовым жыхаром, снег лёг раўнамерна і густа. Галіны дрэў прагнуліся пад цяжарам, а на дарогах ужо бачныя сляды машын, якія першымі раз'язджалі свежы наст.
Па словах пінчука, які даслаў здымкі, кантраст асабліва здзівіў:
«Яшчэ пару дзён таму хадзіў у лес у грыбы, а сёння раніцай зірнуў у акно і не паверыў».
Снегапад стаў нечаканасцю для многіх жыхароў горада — напярэдадні ў рэгіёне трымалася плюсавая тэмпература. Камунальшчыкі і кіроўцы, хутчэй за ўсё, не вельмі рады такой колькасці снегу.
У Брэст таксама зіма прыйшла рэзка
У Брэсце раніцай 22 лістапада выпаў першы сапраўдны снег. Снегапад пачаўся з ранняй раніцы і працягвае ісці. Мясцовыя інтэрнэт-парталы паведамляюць, што гэта самы ранні старт зімы за апошнія гады — звычайна першы ўстойлівы снег чакаюць бліжэй да снежня.
Па дадзеных сіноптыкаў, тэмпература ў Брэсце трымаецца каля 0°C, месцамі ніжэй. Ападкі працягнуцца некалькі гадзін, а ў асобных раёнах снег ужо лёг шчыльным слоем.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары