«Яго не існуе». У адміністрацыі Трампа пацвердзілі спыненне працы DOGE, якім кіраваў Маск
Дэпартамент дзяржаўнай эфектыўнасці (DOGE), які ўзначальваў бізнэсмен Ілан Маск, спыніў сваю працу за восем месяцаў да заканчэння свайго мандата ў ліпені 2026 года. Пра гэта ўпершыню публічна заявіў дырэктар Упраўлення па пытаннях персаналу Скот Купар, паведамляе Reuters.
На пытанне аб статусе дэпартамента Купар адказаў: «Яго не існуе» і дадаў, што гэта больш не «цэнтралізаваная структура».
Многія функцыі Дэпартамента дзяржаўнай эфектыўнасці ўзяло на сябе Упраўленне па пытаннях персаналу — кадравае ведамства федэральнага ўрада.
DOGE пачаў працу пасля ўступлення Трампа на пасаду 20 студзеня 2025 года. Ён быў задуманы для перагляду выдаткаў і павышэння эфектыўнасці ўрада. Дональд Трамп падпісаў указ, згодна з якім DOGE павінен быў дзейнічаць да ліпеня 2026 года.
Ілан Маск называў DOGE «бензапілой для бюракратыі» і актыўна прасоўваў яго ў сацсетках.
Праца дэпартамента прывяла да звальнення сотняў дзяржаўных служачых і адмене падпісак бюджэтных структур на ліберальныя СМІ (Politico, Associated Press, The New York Times).
DOGE заяўляў аб скарачэнні дзяржаўных выдаткаў на дзясяткі мільярдаў долараў, але знешнія фінансавыя эксперты не змаглі гэта пацвердзіць з-за адсутнасці падрабязнай публічнай справаздачнасці.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім7
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1111
Каментары