Лідары Кітая і ЗША правялі тэлефонную размову.
«Кітай і ЗША павінны захоўваць пазітыўную дынаміку двухбаковых адносін і прытрымлівацца правільнага курсу, кіруючыся прынцыпамі раўнапраўя, павагі і ўзаемнай выгады. Пра гэта ў панядзелак заявіў старшыня КНР Сі Цзіньпін», — паведамляе Сіньхуа.
Старшыня КНР нагадаў, што лідары дзвюх краін у мінулым месяцы правялі паспяховую сустрэчу ў паўднёвакарэйскім Пусане, дасягнуўшы мноства важных дамоўленасцей.
Як адзначыў кітайскі лідар, гэтая сустрэча дазволіла скарэктаваць курс гіганцкага карабля кітайска-амерыканскіх адносін і «надаць імпульс яго ўпэўненаму руху наперад, паслаўшы пазітыўны сігнал усяму свету».
Сі Цзіньпін таксама растлумачыў прынцыповую пазіцыю Кітая па Тайваню, падкрэсліўшы, што вяртанне Тайваня ў склад Кітая з’яўляецца важным неад’емным элементам пасляваеннага міжнароднага парадку.
Нагадаўшы, што Кітай і Злучаныя Штаты у свой час змагаліся плячо да пляча з фашызмам і мілітарызмам, кітайскі лідар указаў, што зараз абедзвюм краінам тым больш трэба сумесна абараняць вынікі Перамогі ў Другой сусветнай вайне.
Трамп са свайго боку адзначыў, што Сі Цзіньпін з’яўляецца вялікім лідарам і што ён з вялікай радасцю правёў з ім сустрэчу ў Пусане.
«Прэзідэнт ЗША поўнасцю пагадзіўся з поглядам старшыні КНР на адносіны паміж дзвюма дзяржавамі і падкрэсліў, што зараз абодва бакі ўсебакова рэалізуюць важныя дамоўленасці, дасягнутыя на сустрэчы ў Пусане», паведамляе Сіньхуа.
Каментары
А Беларусь Вильню не хочет вернуть? ...