Пасля страляніны ў Вашынгтоне, дзе загінула вайскоўка Нацыянальнай гвардыі, а яшчэ адзін гвардзеец быў паранены, адміністрацыя Дональда Трампа часова спыніла разгляд хадайніцтваў аб прытулку. Кіраўнік Службы грамадзянства і іміграцыі ЗША Джозеф Эдлоу паведаміў, што рашэнні па справах аб прытулку не будуць прымаць, пакуль нельга будзе забяспечыць максімальна строгую праверку кожнага заяўніка.
Дональд Трамп, у сваю чаргу, заявіў, што хоча спыніць іміграцыю з «усіх краін трэцяга свету», а таксама адмовіцца ад федэральных льгот і субсідый для тых людзей, якія не маюць грамадзянства ЗША, і нават пазбаўляць грамадзянства тых мігрантаў, якія, па яго словах, пагражаюць спакою краіны.
Акрамя таго, ён паабяцаў дэпартаваць усіх іншаземцаў, якія знаходзяцца на дзяржаўным утрыманні, уяўляюць небяспеку або «не адпавядаюць заходняй цывілізацыі».
Дзяржаўны сакратар ЗША Марка Рубіа таксама паведаміў, што ЗША прыпыняюць выдачу віз уладальнікам афганскіх пашпартоў, падкрэсліўшы, што галоўны прыярытэт урада — бяспека краіны.
Прадстаўнікі арганізацыі Afghan Evac крытыкуюць крокі ўладаў, сцвярджаючы, што інцыдэнт са стралком — «адзіночным злачынцам» — выкарыстоўваецца як падстава для даўно запланаваных жорсткіх мераў супраць цэлай супольнасці.
Гэтыя падзеі адбываюцца на фоне інцыдэнту 27 лістапада, калі каля Белага дома былі параненыя двое нацыянальных гвардзейцаў, адна з параненых пазней памерла. Стралка затрымалі — ім аказаўся афганец, які прыехаў у ЗША ў 2021 годзе па праграме перасялення саюзнікаў пасля вываду амерыканскіх войскаў з Афганістана. Паведамляецца, што сваю заяву на прытулак ён падаў пры адміністрацыі Джо Байдэна, а ўжо пацвердзілі яе сёлета пры Трампе.
Адміністрацыя Трампа праверыць грын-карты выхадцаў з 19 краін, у тым ліку з Афганістана
Каталікі-трампісты ўз'еліся на першага амерыканскага Папу: Леў XIV працягвае лева-прагрэсіўную палітыку Францішка
Дэмакрат-сацыяліст Зохран Мамдані перамагае на выбарах мэра Нью-Ёрка
Трамп рэзка знізіў колькасць уцекачоў, якіх прымуць ЗША. Прыярытэт аддадуць белым паўднёваафрыканцам
Нідэрланды пайшлі па шляху Трампа — плануюць высылаць мігрантаў ва Уганду
Цяпер чытаюць
Брат беларускай каралевы прыгажосці трапіў у рэанімацыю ў Азербайджане4
Каментары
Гэта завецца праецыраванне: вы свой расізм і шавінізм выдаеце за меркаванні іншых. Быў я ў той Амерыцы, нармальныя там людзі, бароняць сваё. Любяць сваю зямлю, сваю нягеглую культуру і фальклор, без прэтэнзій, як кожны перфаматыўны лявак.