15 мая ў музейным комплексе «Дудуткі» распачаўся Х «Дударскі фэст».
15 мая ў музейным комплексе «Дудуткі» распачаўся Х «Дударскі фэст», які сабраў разам лепшых музыкаў з усёй краіны.
У сёлетняй праграме былі навінкі. Акрамя традыцыйных выступаў гуртоў, прайшлі камерны канцэрт дудароў і конкурс імправізацыі з ды-джэям.
Распачаўся фэст камерным канцэртам «Адраджэнне аўтэнтычнай традыцыі» ў зале выстаў. Наўмысна не сталі граць на адкрытым паветры. Сваё майстэрства дэмантсравалі Тодар Кашкурэвіч, Юрась Панкевіч, Алесь Чумакоў, Алесь Жура, Яўген Барышнікаў. Алесь Жура толькі нядаўна вярнуўся ў Беларусь. І гэта быў ці не першы яго выступ тут за апошнія шэсць гадоў. Гэты час ён правёў у Санкт-Пецярбургу, дзе граў у розных андэграўндных гуртах.
Выступы на адкрытым паветры пачаліся ўвечары. Калі ў Мінску ішоў дождж, у «Дудутках» было сонечна. Але гэта не паспрыяла таму, каб на фэст прыехала больш людзей. Нават пад сярэднявечныя мелодыі «Старога Ольсы» ахвотных патанчыць было няшмат. Відавочна, што многія пабаяліся прыехаць з-за магчымага дажджу.
На сцэну выходзілі гурты «Келіх кола», «Расалія», «Кашлаты вох», Testamentum terrae і іншыя. Сончыўся першы дзень фэсту конкурсам імправізацыі з ды-джэям. Ці прыжывецца такі эксперымент сярод дудароў, пакажа час. Але сёння некаторыя музыкі ставяцца адмоўна да такіх навінак.
Працягнецца «Дударскі фэст» да 19 мая. У гэты дзень у Мінску ў Парку Чалюскінцаў адбудзецца канцэрт з удзелам гуртоў «Стары Ольса», «Расалія», Testamentum terrae, «ЛітвінТроль», Znich, «Унія», «Яварына». А сёння, 16 мая, на хутары Алеся Лася дудары праводзяць канферэнцыю, на якой абмяркуюць дасягненні ў свеце дударскага руху.
Афіцэр-пагранічнік, які прайшоў праз турму, расказвае пра жыццё «да» і «пасля» дый не шкадуе слоў пагарды для амапаўцаў3
Каментары