Былы гандбаліст Сяргей Рутэнка змяніў міністра замежных спраў Максіма Рыжанкова на пасадзе старшыні Беларускай федэрацыі баскетбола.
Раней Рутэнка кіраваў Беларускай федэрацыяй тэніса, якую ўзначаліў Аляксандр Захарчанка, які быў намеснікам старшыні праўлення БАТЭ ў часы Анатоля Капскага.
Пра замену Максіма Рыжанкова на пасадзе кіраўніка БФБ выказваўся Лукашэнка яшчэ мінулай вясной.
«Няхай займаецца міністэрствам. А туды трэба знайсці моцнага чалавека, які будзе даваць вынік», — казаў год таму Лукашэнка.
З ягоных слоў, у Рыжанкова і так шмат задач, а ў баскетболе назіраюцца праблемы.
Беларускі баскетбол зараз знаходзіцца ў глыбокай коме. Па-першае, пасля поўнамаштабнага ўварвання ва Украіну беларускі баскетбол знаходзіцца ў міжнародным бане. Беларускія клубы адхіленыя ад еўракубкаў і турніраў з удзелам зборных.
Па-другое, выступ мінскіх «Цмокаў» у Адзінай лізе ВТБ (фактычна Адкрыты чэмпіянат Расіі) быў вельмі слабы, каманда некалькі разоў датэрмінова займала апошні радок і апошнія гады не гуляе ў ім.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы14
Каментары