Паводле інфармацыі Нацыянальнага статыстычнага камітэта Беларусі, валавы ўнутраны прадукт у студзені—маі 2010 года адносна аналагічнага леташняга перыяду павялічыўся на 6,4% да 55 трлн. 754,3 млрд. рублёў.
Паводле вынікаў студзеня—красавіка 2010 года рост ВУП складаў 6,1%, у студзені—маі 2009 года — 0,7%.
Згодна з прагнозам сацыяльна‑эканамічнага развіцця краіны, на 2010 год запланаваны прырост ВУП на 11—13%.
Аб’ём прамысловай вытворчасці ў студзені—маі павялічыўся на 7,7% (гадавы прагноз — рост на 10—12%), вытворчасць спажывецкіх тавараў — на 10,6% (рост на 14—15%). Пры гэтым выпуск харчовых тавараў павялічыўся на 10,7% (14—15%), нехарчовых — на 11,1% (рост на 14—15%).
Індэкс спажывецкіх цэн па стане на канец мая 2010 года ў параўнанні з канцом снежня мінулага года вырас на 4%, у маі адносна красавіка — на 0,8%, за год — на 7,1%.
Выпуск сельскагаспадарчай прадукцыі гаспадаркамі ўсіх катэгорый уласнасці за пяць месяцаў гэтага года павялічыўся на 5,5% (10—11%).
Аб’ём інвестыцый у асноўны капітал узрос на 0,3% (23—25%). Уведзена ў эксплуатацыю 1 млн. 834 тыс. кв. м жылля, ці на 2,9% менш, чым у студзені—маі 2009 года. У 2010 годзе ўсяго плануецца пабудаваць 6 млн. 960 тыс. кв. м жылля.
Перавозкі грузаў павялічыліся на 10,1%. Рознічны тавараабарот — на 15,1% (прагноз — 14—15%).
Колькасць беспрацоўных, зарэгістраваных у органах па працы, занятасці і сацыяльнай абароне, знізілася на 5,6% (да 40,8 тыс. чалавек) і склала 0,9% эканамічна актыўнага насельніцтва.
Памёр паэт Уладзімір Карызна, аўтар слоў да цяперашняга дзяржаўнага гімна Беларусі8
Каментары