Севярынец: Мытны саюз — найвялікшы геапалітычны правал апошніх гадоў
Лідэр Беларускай хрысціянскай дэмакратыі выступіў з заявай адносна падпісання Мытнага саюза.
Лідэр Беларускай хрысціянскай дэмакратыі Павал Севярынец выступіў з заявай адносна падпісання Беларуссю Мытнага саюза з Расеяй і Казахстанам.
«Мы расцэньваем падпісанне Мытнага саюза з Расеяй і Казахстанам як найвялікшы геапалітычны правал апошніх гадоў».
Эканамічная выгада ад такой «інтэграцыі», ды яшчэ і ўнутрана супярэчлівай, на фоне пастаянных «гандлёвых войнаў», можа стаць для Беларусі катастрафічнай. Саюз з адсталымі ў эканамічным сэнсе і недэмакратычнымі рэжымамі — загадзя пройгрышны. Уступленне ў Сусветную гандлёвую арганізацыю «ўтрох» — бязглудзіца. Савецкая настальгія і жаданне застацца пры ўладзе любым коштам не могуць зрабіць з Лукашэнкі абаронцу нацыянальных інтарэсаў.
Часовыя выгады ад расейскага рынку збыту, адкуль нас пастаянна выціскаюць, несувымерныя са стратамі ад энергетычнай залежнасці і палітычнага расейскага дыктату.
Беларускім нацыянальным інтарэсам адпавядае найперш еўрапейская эканамічная інтэграцыя. Нам патрэбныя новыя тэхналогіі і заходнія інвестыцыі.Нам трэба пераарыентавацца з энерга‑ і матэрыялаёмістай вытворчасці да праца‑ і навуковаёмістай, а нас зноў «кормяць» пратухлымі савецкімі катлетамі напалам з мухамі», — сказаў Севярынец.
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары