Жывым і здаровым знойдзены 12-гадовы хлопчык, які ў мінулую нядзелю заблукаў у лясах Петрыкаўскага раёна. Яго шукалі чатыры дні.
Хлопчык з пасёлка Капцэвічы, які пакутуе на сіндром Дауна, раніцай у нядзелю разам з маці і яе знаёмымі прыехаў у лес для збору ягад. Дарослыя не заўважылі, як дзіця пайшло ў лес. Самастойныя спробы пошукаў не далі выніку. У пошукавыя работы ўключыліся міліцыя, выратавальнікі, ляснікі, жыхары, ваенныя і авіяцыя. Каля 100 чалавек усе гэтыя дні з раніцы да позняга вечара прачэсвалі квартал за кварталам.
Дзіця было знойдзена за два кіламетры ад месца знікнення – у забалочанай мясцовасці. Ён сядзеў пад густой елкай у канавез вадой. У першыя дні пошукаў гэты ўчастак аглядаўся, аднак, па ўсёй бачнасці, хлопчык тады быў іншым месцы.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»6
Каментары