Лукашэнка даручыў міністру адукацыі пачаць працэдуру далучэння Беларусі да Балонскага працэсу
Асноўнай мэтай Балонскага працэсу, гаворыцца ў паведамленні прэс-службы, з'яўляецца стварэнне Еўрапейскай прасторы вышэйшай адукацыі і яго далейшае ўдасканаленне.
Аляксандр Лукашэнка даручыў міністру адукацыі Аляксандру Радзькову пачаць працэдуру далучэння Беларусі да Балонскага працэсу, паведамляе прэс-служба прэзідэнта.
Асноўнай мэтай Балонскага працэсу, гаворыцца ў паведамленні прэс-службы, з'яўляецца стварэнне Еўрапейскай прасторы вышэйшай адукацыі і яго далейшае ўдасканаленне. Гэта дазволіць павялічыць прывабнасць і канкурэнтаздольнасць еўрапейскай адукацыі ў сучасным свеце.
Уваходжанне Беларусі ў Балонскі працэс, адзначае прэс-служба, будзе спрыяць: збліжэнню адукацыйных стандартаў нацыянальнай і еўрапейскай сістэм вышэйшай адукацыі; узмацненню інтэграцыі сфер навукі, адукацыі і высокатэхналагічнай вытворчасці; доступу ў еўрапейскую сетку забеспячэння якасці адукацыі і правядзенню міжнароднай акрэдытацыі беларускіх універсітэтаў; укараненню нацыянальных механізмаў ацэнкі, гарантый і пацвярджэння якасці адукацыі, сумяшчальных з агульнаеўрапейскімі.
Акрамя гэтага, гаворыцца ў прэс-рэлізе, удзел Беларусі ў Балонскім працэсе спрыяе пашырэнню доступу да еўрапейскіх праграм акадэмічнага і навуковага супрацоўніцтва і павышэнню прывабнасці нацыянальнай сістэмы вышэйшай адукацыі для замежных абітурыентаў.
Беларусь пачала працэдуру далучэння да Балонскага працэсу, падпісаўшы Канвенцыю аб прызнанні кваліфікацый, якія адносяцца да вышэйшай адукацыі ў Еўрапейскім рэгіёне (Лісабонскую канвенцыю).
Гэта пытанне было абмеркавана на нарадзе ў прэзідэнта ў студзені 2005 года, па выніках якога прынята рашэнне аб увядзенні двухступеньчатай сістэмы вышэйшай адукацыі з улікам беларускай спецыфікі (захавана падрыхтоўка спецыялістаў у якасці першай ступені вышэйшай адукацыі, а магістратура зарыентаваная на падрыхтоўку да аспірантуры).
Разам з тым на нарадзе 7 чэрвеня гэтага года прэзідэнт выказаў сумненні, ці не спатрэбіцца ў далейшым правядзенне рэформ з далучэннем да Балонскай дэкларацыі. Лукашэнка заявіў, што ў сістэме адукацыі Беларусі шмат нявырашаных пытанняў, якімі варта непасрэдна займацца, а не думаць аб правядзенні новых рэформ.
-
Памада Марыі Калеснікавай і малакаадсос Марыны Ментусавай — топ экспанатаў з выставы пра змаганне беларусак
-
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою
-
У Брэсцкай вобласці ўжо пачаліся лясныя пажары
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою14
Каментары