Пачаўся трэці кваліфікацыйны раўнд Лігі Еўропы.
Пачаўся трэці кваліфікацыйны раўнд Лігі Еўропы. Сенсацыйны магілёўскі «Дняпро» дома прымаў чэшскі «Банік» з Астравы.
Беларусы па чарзе прайшлі албанскі «Лачы» і нарвежскі «Стабек». А чэшская каманда не пакінула шанцаў грузінскай «ВІТ‑Джорджыі».
Перад пачаткам гульні фаварытамі ўсё ж лічыўся «Банік». Зрэшты, «Дняпро» мог разлічваць на тое, што супернік яго недаацэніць. У нейкай ступені так і атрымалася.
У Магілёве атрымаўся выдатны футбольны вечар. Трыбуны стадыёна «Спартак» былі запоўненыя амаль цалкам. На трыбунах нават была расцяжка «Верым. Можам. Пераможам».
Не сказаць, каб у першым тайме хоць адна з каманд мела перавагу. Паўмоманты ўзнікалі ў абодвух варот. Чэхі дзейнічалі досыць жорстка.
Шчаслівай жа для беларусаў стала 63‑яя хвіліна гульні. Пасля падачы вуглавога найбольш спрытным у штрафной гасцей быў Ігар Зяньковіч. Ён забіў гол з межаў варатарскай — 1:0.
У астатні час «Банік» спрабаваў адыграцца, але абарона магілёўцаў была выдатнай. Больш галоў заўзятары не пабачылі. Зрэшты, наўрад ці іх гэта моцна засмуціла.
Перамога пакідае магілёўцам добрыя шанцы на працяг барацьбы. Гульня ў адказ праз тыдзень.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары