Вялікі вечар маладой беларускай літаратуры у гонар Ларысы Геніюш адбудзецца ў дзень нараджэння паэткі, 9 жніўня, у Празе.
Дэсант яскравых аўтараў з Беларусі зладзіць вялікую літаратурную вечарыну, якая мае на мэце сведчыць: беларуская літаратура ў ХХІ стагодзьдзі працягваецца.
1. Удзел у вечарыне возьмуць фіналісты і прызёры конкурсу маладых літаратараў імя Ларысы Геніюш: Ася Волкава, Антон Рудак, Сяргей Календа, Юлія Аляксеенка, Кацярына Макарэвіч, Юлія Качан, Алесь Емяльянаў, Кірыл Дубоўскі і іншыя.
2. Пераможцы мінулагодняга конкурсу маладых літаратараў імя Карласа Шэрмана: Уладзь Лянкевіч, Алена Пятровіч, Віталь Рыжкоў, Кацярына Зыкава, Павел Анціпаў прэзэнтуюць зборнік арыгінальных і перакладных твораў «Святая праўда ды іншыя казкі».
3. Перад публікай выступяць таксама празаікі Павал Касцюкевіч і Барыс Пятровіч
4. Падчас вечарыны адбудзецца ўзорная змычка мэтраполіі і дыяспары: адбудзецца першая прэзэнтацыя зборніка вершаў беларускага паэта, пражаніна Максіма Шчура «Амальгама».
Правядзе вечарыну Андрэй Хадановіч.
Вечарына адбудзецца 9 жніўня (панядзелак) а 19:00 ў кавярні Krasný ztraty (адрас: Náprstkova 10,Praha 1, Staré Město). Уваход вольны.
LASKAVA ZAPRAŠAJEM!
Вечарына арганізаваная РГА «Беларускі ПЭН-Цэнтар» пры падтрымцы Міжнароднага аб'яднаньня «Грамадзянская Беларусь»
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары