"Я вельмі занепакоеная ўжываньнем сілы супраць дэманстрантаў, якія не прымалі ўдзелу ў агрэсіўных дзеяньнях, гвалтам супраць кандыдатаў і выкраданьнем кандыдатаў ад апазыцыі ды іхных прыхільнікаў, затрыманьнямі актывістаў апазыцыі і праваабаронцаў, ператрусамі і перасьледам незалежных няўрадавых арганізацый"
– заявіла спадарыня Пілэй заявіла ў прэс-рэлізе.
Наві Пілэй таксама асудзіла любыя заклікі да гвалту з боку некаторых радыкальных груп у апазыцыі.
Адначасна яна падкрэсьліла, што "ўлады павінны ў поўнай меры паважаць і забясьпечваць правы сваіх палітычных апанэнтаў на мірныя дэманстрацыі і свабоду слова".
Вярхоўны камісар ААН па правах чалавека запатрабавала неадкладнага вызваленьня апазыцыйных кандыдатаў і іх прыхільнікаў, якія ня ўдзельнічалі ў гвалтоўных дзеяньнях і не падбухторвалі да іх.
Каментары