У Беларусі няма падставы для ажыятажнага попыту на валюту. Пра гэта 15 сакавіка заявіў журналістам старшыня праўлення Нацыянальнага банка Пётр Пракаповіч.
"Мы ўжо другі год гаворым, што няма ніякай неабходнасці скупляць валюту. Курс стабільны і будзе заставацца стабільным у межах устаноўленага калідора плюс-мінус 8% да кошыка валют", - сказаў ён. Пры гэтым кіраўнік Нацбанка падкрэсліў, што для таго, каб змяніць калідор, неабходны ўказ прэзідэнта. Пракаповіч перакананы, што ў гэтым годзе такі ўказ не з'явіцца. "Тым больш што мы не выкарыстоўвалі існуючы калідор", -- сказаў ён.
Як адзначыў Пракаповіч, "у дачыненні да дэвальвацыі заўсёды ёсць спецыяльныя людзі, якія распаўсюджваюць чуткі, каб у Беларусі было дрэнна". "Гэта самы добры спосаб ўсіх узбудзіць, стварыць паніку, каб усе беглі ў банкі і скуплялі валюту", -- сказаў кіраўнік Нацбанка.
Нагадаем, 15 сакавіка Нацыянальны банк афіцыйна абверг чуткі "аб рэзкай дэвальвацыі" рубля.
Адказваючы на пытанне аб рэакцыі Расіі на ўвядзенне ў Беларусі абмежаванняў на набыццё валюты для закупкі імпарту, Пракаповіч сказаў, што ніякіх прэтэнзій расійскі бок не меў.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары