Якубовіч загаварыў пра неабходнасць дэвальвацыі
«Голас народа». Маўляў, як улады ні супраціўляліся, а супраць грамадскай думкі не папрэш.
Грамадскую думку пачалі рыхтаваць да дэвальвацыі.
Аб неабходнасці такой меры нечакана заявіў галоўны рэдактар «Советской Белоруссіі» і сенатар па сумяшчальніцтве Павел Якубовіч.
Без усякіх «дапусцім» і «можа быць» ў перадачы «Клуб рэдактараў» Першага нацыянальнага канала Павел Якубовіч упэўненым тонам загаварыў аб дэвальвацыі.
— Яму нельга пераскочыць у два прыёму. Трэба рабіць нешта неадкладна. І калі ёсць надзённая неабходнасць у дэвальвацыі рубля, то трэба сур’ёзна, не адкладаючы пад кілім гэтую праблему, прыступаць да гэтай меры, надзвычай балючай, надзвычай нязручнай, надзвычай крытычнай. Але калі яна неабходная, то гэта трэба рабіць», — заявіў рэдактар «СБ».
На першы погляд меркаваньне вярхоўнага жраца беларускай ідэалогіі так моцна разыходзіцца з афіцыйнай лініяй, якую штодня агучваюць Мясніковіч, Пракаповіч і Лукашэнка, што спачатку бянтэжышся і палохаешся за лёс нядбайнага Якубовіча і Давыдзькі, які гэтую небяспечную «ерась» выпусціў у эфір. З іншага боку, напрошваецца пытанне, а ці не рыхтуецца Ці такім чынам «голас народа»? Маўляў, як улады ні супраціўляліся, а супраць грамадскай думкі не папрэш. А таму — атрымаеце. Так ужо выходзіць, што ўсе самыя непапулярныя меры ў нашай краіне робяцца «па просьбах працоўных». Першая ластаўка ўжо праспявала.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне14
Каментары