Урадавая дэлегацыя Беларусі на чале з прэм’ер-міністрам Міхаілам Мясніковічам 23 чэрвеня зробіць рабочы візіт у Санкт-Пецярбург,
паведамілі ў
прэс-службе беларускага ўрада.
Міхаіл Мясніковіч сустрэнецца з губернатарам Санкт-Пецярбурга Валянцінай Мацвіенка і прыме ўдзел у чацвёртым пасяджэнні Савета дзелавога супрацоўніцтва Беларусі і Санкт-Пецярбурга.
У ходзе візіту плануецца абмеркаваць найбольш актуальныя пытанні двухбаковых адносін для вызначэння сумесных дзеянняў, накіраваных на павышэнне ўзроўню гандлёва-эканамічнага ўзаемадзеяння, развіццё прамыслова-кааперацыйных сувязей, дыверсіфікацыю і нарошчванне аб’ёмаў паставак беларускай прадукцыі ў гэты рэгіён, у тым ліку будаўнічых матэрыялаў і паслуг. На пасяджэнні Савета дзелавога супрацоўніцтва Беларусі і Санкт-Пецярбурга будуць падведзены вынікі выканання Праграмы гандлёва-эканамічнага, навукова-тэхнічнага і гуманітарнага супрацоўніцтва паміж урадам Беларусі і ўрадам Санкт-Пецярбурга на 2009–2011 гады, выпрацаваны канкрэтныя мерапрыемствы па далейшаму развіццю двухбаковага ўзаемадзеяння.
Каментары