Кіроўца рабіў абгон, забаронены ў гэтай частцы дарогі.
Адзін чалавек загінуў падчас лабавога сутыкнення аўтамабіляў 14 жніўня напаблізу вёскі Ленькі Слуцкага раёна, паведамілі карэспандэнту БелТА ў аддзяленні агітацыі і прапаганды УДАІ УУС Мінаблвыканкама.91-м км аўтадарогіМінск-Мікашэвічы
Паводле папярэдніх дадзеных, у ДТЗ таксама былі параненыя дзевяць чалавек: кіроўца і пасажыры мікрааўтобуса.
Кіроўца аўтамашыны Volkswagen Sharan падчас абгону выехаў на паласу сустрэчнага руху. Яго аўтамабіль сутыкнуўся з мікрааўтобусам Volkswagen LT 35. У выніку загінула пасажырка Sharan — пенсіянерка 1954 года нараджэння.
У ДАІ падкрэслілі, што сутыкненне адбылося ў зоне дзеяння знака «Абгон забаронены» пры неспрыяльных умовах надвор’я: у гэтым раёне ішоў дождж.
У той самы дзень на жвіровай дарозе паблізу вёскі Язбы Крупскага раёна кіроўца 1989 года нараджэння не даў рады кіраванню Peugeot 806 і з’ехаў у кювет, дзе аўтамабіль перакуліўся. У выніку сам кіроўца, а таксама пасажыры — дзяўчаты 1989 і 1990 гадоў нараджэння і двое хлопцаў (1985 і 1990 г.н.) — былі змешчаныя ў бальніцу, яшчэ адзін пасажыр (студэнт БНТУ 1990 года нараджэння) загінуў. У дарожнай міліцыі ўдакладняюць падрабязнасці таго, што адбылося, і мяркуюць, што прычынай аварыі магла стаць занадта вялікая для такой дарогі хуткасць. У ДАІ нагадалі, што на жвіровай дарозе дастаткова лёгка страціць кантроль над аўтамабілем, калі абраць няправільны хуткасны рэжым.
Таксама ДАІ турбуе дзіцячы траўматызм на дарогах.Так, 13 жніўня ў Жодзіне хлопчык 2003 года нараджэння перабягаў дарогу па нерэгуляваным пешаходным пераходзе. Яго збіла легкавушка, і цяпер дзіця знаходзіцца ў рэанімацыі. Дарожная міліцыя нагадвае, што перабягаць праезную частку вельмі небяспечна нават па пераходзе. Бацькам неабходна тлумачыць такія няхітрыя правілы. «Тым больш, што заканчваюцца вакацыі. У гарады з вёсак вяртаюцца дзеці. Яны адвыклі ад гарадскога руху», — дадалі ў ДАІ.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна13
Каментары