40% беларусаў лічаць, што Беларусь і Расія павінны актыўна развіваць Саюзную дзяржаву. 10 гадоў таму такіх людзей было 80%.
Апошнім часам паменшылася колькасць беларусаў, якія падтрымліваюць ідэю Саюзнай дзяржавы Беларусі і Расіі.
Пра гэта паведаміў дырэктар Інстытута сацыялогіі Нацыянальнай акадэміі навук, доктар сацыялагічных навук Ігар Катляроў.
Паводле яго слоў, як сведчаць вынікі сацыялагічнага маніторынгу, сёння 52% жыхароў краіны лічаць, што Беларусь і Расія павінны быць абсалютна незалежнымі дзяржавамі, жыць па міжнародных дагаворах. 40% беларусаў лічаць, што Беларусь і Расія павінны актыўна развіваць Саюзную дзяржаву. Для параўнання, 10 гадоў таму ў падтрымку Саюзнай дзяржавы выказваліся 80% беларусаў.
Толькі крыху больш за 2% беларусаў сёння лічаць, што Беларусь павінна ўвайсці ў склад Расійскай Федэрацыі як рэгіён.
Як мяркуе Катляроў, зніжэнне папулярнасці ідэі Саюзнай дзяржавы Беларусі і Расіі «звязана з грубымі памылкамі з боку некаторых кіраўнікоў, я думаю, першым чынам Расіі». «Гэта малочныя войны, дзесьці нафтавыя войны», — сказаў ён. Некаторыя палітыкі ў Расіі хочуць за кошт Беларусі «вырашыць свае праблемы, асабістыя, карпаратыўныя, і такім чынам, атрымаць нейкія дывідэнды».
Катляроў адзначыў, што, паводле вынікаў маніторынгу, колькасць людзей, якія падтрымліваюць ідэю стварэння Саюзнай дзяржавы, расце ў перыяды, калі Беларусь і Расія вырашаюць праблемы ў сваіх узаемаадносінах.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары