Смаргонскія памежнікі знайшлі прадмет, падобны на гранату, у цягніку «Калінінград—Санкт-Пецярбург»
25 жніўня ў чыгуначным пункце пропуску«Гудагай-1» адбылося надзвычайнае здарэнне.
У 17.00 на станцыю прыбыў цягнік «Калінінград —
Пры афармленні цягніка смаргонскія памежнікі ў штабным вагоне ў купэ электрыка выявілі прымацаваны да столі купэ прадмет, падобны на гранату. У металічную балванку серабрыстага колеру са слядамі пакрыцця фарбай цёмнага колеру быў убіты металічны штыр з адтулінай, у якую было ўдзетае кольца для бралка.
Памежнікі дзейнічалі па строга зададзеным алгарытме, прадугледжаным для падобных сітуацый.
Адразу ж былі эвакуяваныя пасажыры. У тэрміновым парадку праінфармаваныя літоўскія памежнікі, супрацоўнікі МНС, міліцыі і хуткай дапамогі.
Праз некалькі хвілін у пункт пропуску прыбыла мабільная група кінолагаў, якая абследавала ўсе вагоны цягніка на прадмет выяўлення падазроных і выбухованебяспечных прадметаў.
Менш чым праз гадзіну супрацоўнікі МНС знялі прадмет, падобны на гранату, паклалі ў скрыню з пяском і панеслі на бяспечную адлегласць ад пабудоў і людзей. Цягнік пайшоў з пункта пропуска без спазненняў.
Прадмет канфіскаваны супрацоўнікамі падраздзялення «Алмаз» для правядзення экспертызы.
-
Беларускі зняволены мала таго, што стрэс грошы з Расіі за ўмовы ўтрымання ў СІЗА, дык яшчэ і выбіў кампенсацыю за доўгае чаканне тых грошай
-
У цэнтры Мінска матацыкліст жорстка ўрэзаўся ў аўто — ажно пераляцеў машыну ВІДЭА
-
У Мюнхене беларус, украінец і немец у масках і са зброяй абрабавалі мінака. Ужо праз восем хвілін іх арыштавалі
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары