У Самалі дзецям за перамогу ў конкурсе падарылі ручныя гранаты і АК-47
Самалійскія радыёстанцыя, заснаваная ісламісцкай групоўкай аль-Шабаб, узнагародзіла дзяцей, якія перамаглі ў конкурсе па чытанні Карана і па агульных ведах ісламу, аўтаматамі АК-47.
Радыёстанцыя Andulus, заснаваная недалёка ад горада Магадзіша, уручыла камандзе дзяцей, што перамаглі ў конкурсе Рамадан, $700 і аўтамат АК-47.
Каманда, якая заняла другое месца, атрымала АК-47 і $500. Удзельнікі, якія апынуліся на трэцім месцы, атрымалі дзве ручныя гранаты і $400.
Групоўка Аль-Шабаб звязаная з аль-Каідай і кантралюе большую частку тэрыторый у паўднёвай і цэнтральнай частках Самалі.
Каментары