Але канвертаваць будуць па курсе дадатковай сесіі.
Аб гэтым заявіў у эфіры праграмы «Контуры» тэлеканала АНТ намеснік старшыні праўлення Нацыянальнага банка Беларусі Тарас Надольны.
«Валютныя крэдыты становіцца складана абслугоўваць насельніцтву. Таму я рэкамендаваў бы насельніцтву больш уважліва прыгледзецца да той ідэі, што валютныя крэдыты трэба па магчымасці пераводзіць у беларускія, што знізіць нагрузку па іх абслугоўванні ва ўмовах росту курсу», — адзначыў Тарас Надольны.
Ён таксама падкрэсліў, што грамадзяне Беларусі на працягу апошняга месяца могуць свабодна канверсаваць валютныя ўклады ў беларускія рублі. І арыенцірам для іх можа выступаць курс дадатковай сесіі. У адпаведнасці з даручэннем кіраўніка дзяржавы Нацбанк і банкі абавязаны стварыць умовы для свабоднай канверсацыі валютных укладаў у рублёвыя і наадварот. Таму кожны грамадзянін мае права на канверсацыю без абмежаванняў.
Але тут ключавым момантам для грамадзяніна з’яўляецца курс канверсацыі.
«Сёння мы арыентуем банкі рабіць гэтыя канверсацыі, зыходзячы з курсу дадатковай гандлёвай сесіі»,— падкрэсліў прадстаўнік Нацбанка.
Гаворачы аб ільготным крэдытаванні жыллёвага будаўніцтва, ён, між тым, парэкамендаваў адэкватна і комплексна глядзець на гэту праблему. «Трэба дакладна разумець: чым больш крэдытных сродкаў узнікае ў эканоміцы, чым больш крэдытаў выдаецца, тым большы адбываецца націск на валютны курс, — заўважыў Тарас Надольны. — Чым больш свабодных грошай у абарачэнні, а крэдыты — гэта і ёсць свабодныя грошы ў абарачэнні, тым большая верагоднасць таго, што курс беларускага рубля пачне аслабляцца. У сувязі з гэтым сёння сапраўды трэба адэкватна і комплексна глядзець на гэту праблему».
Ён таксама сказаў, што ўрадам Беларусі, Нацыянальным банкам да канца месяца будзе ўрэгулявана пытанне льготнага крэдытавання будаўніцтва жылля. «Да канца месяца, я лічу, будзе ўрэгулявана гэта пытанне, прыняты ўказ аб змяненнях ва ўказ нумар 185 „Аб прадастаўленні грамадзянам ільготных крэдытаў на будаўніцтва (рэканструкцыю) або набыццё жылых памяшканняў“ ад 14 красавіка 2000 г.», — выказаў ён прагноз. Пасля гэтага ўрад і Нацбанк і пачнуць займацца непасрэдна фарміраваннем стратэгіі па льготнаму крэдытаванню на наступны год.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы35
Каментары