Савет Рэспублікі прыняў праект закона «Аб унясенні змяненняў і дапаўненняў у некаторыя законы Рэспублікі Беларусь па пытанні прымянення пакаранняў за армейскія лачынствы».
Гэты законапраект прадугледжвае выключэнне з новага кодэкса норм, якія звязаны з пакараннем у выглядзе накіравання ў дысцыплінарную воінскую часць (дысбат).
Як адзначыў старшыня Пастаяннай камісіі па нацыянальнай бяспецы палаты прадстаўнікоў Ігнацій Місурагін, пры распрацоўцы гэтага законапраекта ўлічвалася канцэпцыя ўдасканалення мер крымінальнай адказнасці. Дакумент прадугледжвае ліквідацыю беларускага дысбата, у якім цяпер адбываюць пакаранне 19 ваеннаслужачых. «Да канца года іх будзе яшчэ менш», — адзначыў Ігнат Місурагін. Ён таксама дадаў, што для абслугоўвання дысбата задзейнічана каля 200 чалавек. У дзень гэта падраздзяленне з’ядае прыкладна 2,5 тыс.у.а. У краінах постсавецкай прасторы, за выключэннем Беларусі і Расіі, дысбатаў ужо няма, сказаў Ігнацій Місурагін.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў5
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары