Прашэнне аб памілаванні падаў пакуль Уладзіслаў Кавалёў
Канавалаў не падаваў.
З двух асуджаных па справе аб тэракце ў мінскім метро прашэнне аб памілаванні на імя прэзідэнта падаў толькі Уладзіслаў Кавалёў, паведаміў 14 снежня журналістам намеснік генеральнага пракурора Аляксей Стук.
Паводле яго слоў, наглядных скаргаў ад удзельнікаў працэсу не паступала. Стук паведаміў, што Кавалёў і Дзмітрый Канавалаў утрымліваюцца ў СІЗА КДБ, аднак ён не ведае, у адзіночных камерах ці не. «Але павінны ў адзіночных», — сказаў Стук.
Ён заявіў, што на ноч асуджаных да ложкаў ніхто не прыкоўвае. Прынятыя ў дачыненні да іх меры бяспекі скіраваныя на тое, каб яны з сабой нічога не зрабілі.
Стук паведаміў,
што прыгавор супрацоўніку міліцыі, па віне якога ў базе звестак не аказалася адпячаткаў пальцаў Канавалава, яшчэ не аб’яўлены, судовы працэс працягваецца.Падсуднага будуць этапаваць у Мінск для допытаў, паколькі большасць сведак знаходзіцца менавіта ў сталіцы.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?17
Каментары