Залаты запас Нацыянальнага банка Беларусі павялічыўся ў 2011 годзе на 400 кг, ці 1,3%, і склаў 31,7 тоны на 1 студзеня 2012 года.Такія даныя паведамілі ў галоўным банку краіны.
За 2010 год залаты запас Нацбанка Беларусі вырас на 9,2%, ці на 2,65 тоны, і складаў 31,3 тоны на 1 студзеня 2011 года.
У першым квартале 2011 года залаты запас вырас на 300 кг. На 1 красавіка ён складаў 31,6 тоны.
У другім квартале было адзначана зніжэнне залатога запасу — на 1 ліпеня ён складаў ужо 31,5 тоны.
За трэці квартал 2011 года залаты запас краіны скараціўся адразу на 500 кг, ці на 1,6%, і на 1 кастрычніка складаў 31 тону.
У склад залатога запасу ўваходзяць золата, якое пераважае, а таксама серабро і плаціна. Залаты запас вылічаецца ў тонах з пералікам серабра і плаціны па эквіваленце золата.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары