Аргумент суду, што Алесь Бяляцкі сам не даказаў сваю невінаватасць, паказвае: у Беларусі наогул адсутнічае прэзумпцыя невінаватасці.Пра гэта заявіў праваабаронца Уладзімір Лабковіч пасля вынясення Мінгарсудом рашэння па касацыйнай скарзе Бяляцкага 24 студзеня.
«Фактычна пракурор Кірыл Чубкавец заявіў, што віна Бяляцкага даказаная ў судзе першай інстанцыі, таму касацыйная скарга падлягае адхіленню.
Ніякіх фактаў ён не прывёў і не мог прывесці, таму што доказаў няма. Аргумент суда, што Бяляцкі сам не даказаў сваю невінаватасць, адлюстроўвае, што ў Беларусі наогул адсутнічае прэзумпцыя невінаватасці.Гэта, дарэчы, паказвае агульную дэградацыю пракуратуры, суда і следства. Ім не трэба нічога даказваць Дастаткова, каб была каманда і знайшліся тры суддзі, якія б яе выканалі «.
Абарона будзе дамагацца абскарджання вынесенага праваабаронцу прысуду.
«Адвакат будзе абскарджваць гэты прысуд у наглядным парадку выключна для таго, каб мець магчымасці і перспектывы міжнароднай юрыдычнай рэакцыі, не шукаючы больш праўды ў тым абрадзе, які ў Беларусі чамусьці называецца судом», —адзначыў Лабковіч.
«Тое, што адбылося сёння ў судзе, — гэта абсалютнае прававое бязмежжа, выключна палітычная расправа над вядомым беларускім праваабаронцам, — падкрэсліў ён. —
Дакументы, якія былі прадстаўленыя ў суд, павінны былі хоць бы мінімальна, але паўплываць на змяненне прысуду. Гэта выключна палітычная расправа над вядомым беларускім праваабаронцам».
Лабковіч падкрэсліў: нягледзячы на будучую канфіскацыю офіса незарэгістраванага цэнтру «Вясна», які належыць Бяляцкаму, праваабаронцы ў Беларусі не спыняць сваёй працы.
Паводле яго слоў, праваабаронцы «зусім не шкадуюць» аб тым, што пералічылі на рахунак суду Першамайскага раёна Мінска 757 млн. 526 тыс. 717 рублёў (каля 90 тыс. даляраў) у якасці кампенсацыі шкоды, нібыта нанесенага дзяржаве Бяляцкім, у надзеі на змякчэнне яму прысуду гарадскім судом.
«Мы зусім не шкадуем аб тым, што столькі грошай аддалі дзяржаве», — заявіў Лабковіч. Кампенсацыя шкоды, па яго словах, павінна паўплываць на далейшае становішча асуджанага ў месцах зняволення.
«Гэта дазволіць Бяляцкаму атрымліваць перадачы, атрымліваць грошы на рахунак, з якога ён зможа купляць прадукты ў турэмным шапіку, дазволіць яму разлічваць на— сказаў праваабаронца.ўмоўна-датэрміновае вызваленне і, вядома, паўплывае на ўмовы яго ўтрымання. Інакш бы ён увесь час знаходзіўся пад ціскам з- за таго, што мае такую вялікую запазычанасць»,
Нагадаем, Мінскі гарадзкі суд не задаволіў касацыйную скаргу Алеся Бяляцкага, пакінуўшы ў сіле прысуд суда Першамайскага раёна сталіцы. Рашэнне судовай калегіі абвясціў 24 студзеня суддзя Уладзімір Сцяпурка.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары