Украінкі пратэстуюць супраць правядзення чэмпіянату свету па хакеі ў Беларусі.
Сёння ў Цюрыху перад будынкам Міжнароднай федэрацыі хакею актывісткі Femen згулялі ў хакей у зэкаўскіх робах. Вачам хакейных босаў прадэманстравалі плакаты з надпісамі «Раб не гуляе ў хакей», «Не заахвочвайце дыктатуру!», «Лукашэнка, згуляем ў Гаазе?», «Адбярыце чэмпіянат у дыктатара!».
Femen патрабуе ад Міжнароднай фeдэрацыі хакею адвярнуцца ад «апошняга дыктатара Еўропы» і адмовіцца ад правядзення Чэмпіянату свету па хакеі -- 2014 у Беларусі.
Актывісткі нагадалі ІІХФ, што «ў Беларусі пануе дыктатура, якая зняважыла ўласную канстытуцыю, фундаментальныя правы чалавека, якая катаваннямі і крывёю здушвае любое іншадумства».
У такіх умовах, лічаць актывісткі, чэмпіянат па хакеі-2014 будзе «як у люстэрку падобны на нацысцкую Алімпіяду 1936 года».
Федэрацыя хакею, паводле Femen, «не павінна аказацца саўдзельнікам злачынстваў супраць чалавецтва», паведамляе Радыё Свабода.
***
Нагадаем, што 19 студзеня Femen заявілі, што пачынаюць кампанію супраць правядзення ў Мінску сусветнага першынства.
«Мы пачынаем маштабную кампанію „Сушыце клюшкі“.Падрабязнасці мы пакуль трымаем у таямніцы, Алё гэта будзе магутна, гэта будзе нязручна і балюча для беларускіх чыноўнікаў. Мы зробім усё, каб сусветная грамадскасць ведала, што адбываецца ў Беларусі. Ніякага чэмпіянату свету па хакеі ў Беларусі не будзе», заявілі тады прадстаўніцы ўкраінскага руху.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары