У Гомелі раздавалі беларускамоўныя віншаванкі — затрыманне
Васіль Такарэнка адмовіўся падпісваць пратакол, бо ён па-расейску.
У Гомелі падчас раздачы жанчынам віншавальных улётак з 8 Сакавіка затрыманы грамадзкі актывіст Васіль Такарэнка.
«Спецназаўцы адвезлі мяне ў Цэнтральны райаддзел міліцыі. Там трымалі каля гадзіны, склалі адміністрацыйны пратакол за парушэнне грамадскага парадку. Я не чытаў і не падпісваў яго, паколькі склалі міліцыянты пратакол не па-беларуску, а на расейскай мове», — заявіў Такарэнка
Спадар Такарэнка разам з іншымі актывістамі кааліцыі «Наша альтэрнатыва» раздаваў ля ўнівермага антыалкагольныя віншаванні жанчынам ад імя мужчынаў: «Падарым жанчынам цвярозы год!» Аднак акцыю гвалтоўна перапынілі ахоўнікі.
«Спецназаўцы й людзі ў цывільным так разганялі актывістаў, што нават штурхнулі маю шасцігадовую дачку», — паведаміў Кастусь Жукоўскі.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары