26 сакавіка Вышэйшы гаспадарчы суд Рэспублікі Беларусь задаволіў касацыйную скаргу заснавальніка газеты і адмяніў рашэнне Віцебскага гаспадарчага суда і яго апеляцыйнай інстанцыі па высяленні ЗАТ «Выдавецкі дом» Витебский курьер»
Недзяржаўная газета «Витебский курьер М» застаецца ў памяшканні, з якога яе спрабавалі выселіць на працягу апошніх чатырох месяцаў.
26 сакавіка Вышэйшы гаспадарчы суд Рэспублікі Беларусь задаволіў касацыйную скаргу заснавальніка газеты і адмяніў рашэнне Віцебскага гаспадарчага суда і яго апеляцыйнай інстанцыі па высяленні ЗАТ «Выдавецкі дом» Витебский курьер» з памяшканняў, якія ён арандуе для офісу ў прадпрыемства «Элсан». Судовая справа накіравана для новага разгляду ў суд першай інстанцыі ‑‑ Віцебскі гаспадарчы суд.
Інтарэсы газеты ў судзе прадстаўлялі юрыст БАЖ Дзмітрый Зікрацкі і старшыня Беларускага Хельсінскага камітэта па Віцебскай вобласці Павел Левінаў.
Нагадаем, рэдакцыя старэйшай недзяржаўнай рэгіянальнай газеты «Витебский курьер» у 2006 годзе пасля скасавання арэнды памяшкання ў віцебскага таксапарку вымушана была шукаць іншы офіс. Праз два месяцы пасля пераезду ў кастрычніку ў памяшканні ААТ «Элсан» рэдакцыя атрымала ліст ад дырэктара «Элсана» В.Дзмітрачэнкі, дзе паведамлялася аб скасаванні дамовы з «Витебским курьером». У лісце патрабавалася вызваліць памяшканне цягам 48 гадзін.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары