Песенны конкурс «Еўрабачанне-2013» пройдзе ў трэцім па велічыні горадзе Швецыі Мальмё. Пра гэта ў нядзелю, 8 ліпеня, паведаміў прадстаўнік галоўнага тэлеканала Швецыі Sveriges Television AB (SVT), які будзе адказным за трансляцыю конкурсу.
Па словах арганізатараў конкурсу, заяўку на правядзенне «Еўрабачання» падалі Стакгольм і Мальмё. Апошні быў абраны з-за зручнай інфраструктуры, а таксама таму што менавіта ў ім праводзіцца штогадовы музычны конкурс Melodifestivalen і адбор на «Еўрабачанне».
Мальмё як горад, які прымае «Еўрабачанне», абавязаны будзе забяспечыць дэлегацыі жытлом, дапамагчы з размяшчэннем прэсы, арганізацыяй прэс-канферэнцый і стварэннем фан-зонаў. «Еўрабачанне-2013» будзе праводзіцца на пляцоўцы пад назвай Мальмё Арэна. Яна была пабудаваная ў 2008 годзе і змяшчае 15500 гледачоў.
У Мальмё жыве 664000 чалавек. У 1992 годзе горад ужо прымаў у сябе «Еўрабачанне».
Швецыя атрымала права правесці «Еўрабачанне-2013» дзякуючы перамозе сваёй прадстаўніцы Ларын. У 2012 годзе на конкурсе ў Баку яна набрала 372 балы за песню «Эйфарыя».
Каментары