Башарымаву прад’явілі абвінавачванне, Сурапіну — пакуль не. Чакалі мішак з фотаапаратам?
23 ліпеня скончыўся
Затрыманы студэнт перадаў прывітанне ўсім, хто яго падтрымлівае. Антону Сурапіну вядома аб тым рэзанансе, які выклікаў яго арышт.
Сурапіна спецслужбісты затрымалі 13 ліпеня. Ён падазраецца ў «дапамаганні незаконнаму перасячэню мяжы Рэспублікі Беларусь».
Па гэтай жа справе раней, 6 ліпеня, спецслужбы затрымалі сталічнага рыэлтара Сяргея Башарымава. Як паведамляе Charter97.org, 16 ліпеня яму прад’явілі абвінавачванне па ч. 3 арт. 371 КК «Незаконнае перасячэнне Дзяржаўнай мяжы Рэспублікі Беларусь».
Пацвярджэння інфармацыі пра абвінавачванне Башарымаву з афіцыйных крыніц пакуль няма.
Арганізатар палёту медзведзіроўшчыка швед Кромвэл заявіў, што з Башарымавым кантактаваў толькі ў справе зняцця кватэры ў Мінску. Насамрэч, Башарымаў займаўся здачай у арэнду ў тым ліку адной з кватэр насупраць Адміністрацыі прэзідэнта. У той жа час
Кромвэл заяўляў, што ў Мінску ў іх напагатове быў чалавек, гатовы сфатаграфаваць скіданне мядзведзікаў. Магчыма, беларускія спецслужбы мяркуюць, што гэтым чалавекам мог быць Башарымаў.
Шведы, у сваю чаргу, ручаюцца, што ажыццявілі сваю акцыю без падтрымкі беларусаў, бо не хацелі падстаўляць іх пад удар. Хто афармляў запрашэнні для шведаў, каб яны маглі аформіць візы? Кромвэл кажа, што гэта было тое самае рыэлтарскае агенцтва Башарымава.
Абсурднасці сітуацыі дадае той момант, што беларускія ўлады дагэтуль не прызналі факту скідання мядзведзікаў.І, тым не менш, адначасова расследуецца крымінальная справа.
Сваім палётам група шведаў хацела звярнуць увагу на парушэнні свабодаў чалавека ў Беларусі. Ім гэта ўдалося. А новыя арышты ў Мінску выклічуць новую хвалю публікацый у сусветных СМІ.
Сяргею Башарымаву пагражае суровае пакаранне — ад 3 да 7 гадоў пазбаўлення волі.Што да Сурапіна, то ён першы апублікаваў фоты мядзведзікаў у сваім блогу. Стала вядома, што
кадэбісты дапыталі таксама16-гадовую дзяўчыну з Івянца Кацю Скурат. У чым яе падазраюць, да канца не ясна.
Каментары