Спікер Вярхоўнай Рады Украіны Уладзімір Літвін падпісаў закон «Аб прынцыпах дзяржаўнай моўнай палітыкі». Ён накіраваны на подпіс прэзідэнту Віктару Януковічу.
Як заявіў Літвін, ён не мог не падпісаць дакумент, які пашырае ўжыванне расійскай мовы на рэгіянальным узроўні, паколькі «па Канстытуцыі Украіны і парламенцкім рэгламенце ў старшыні Вярхоўнай Рады ёсць толькі абавязкі, але няма ніякіх правоў».
Напярэдадні на пазачарговай сесіі Рады прапрэзідэнцкая большасць адмовілася галасаваць за адмену гэтага закону і адхіліла заяву Літвіна аб адстаўцы.Спікер напісаў яе адразу пасля зацвярджэння дакумента 3 ліпеня. У кіроўнай Партыі рэгіёнаў не раз пагражалі Літвіну судом, калі ён не паставіць подпіс пад «моўным» законам. Яго прыняцце суправаджалася бойкамі ў сценах парламента і справакавала па ўсёй краіне вулічныя пратэсты.
У пачатай ва Украіне кампаніі па выбарах у парламент моўная тэма, мяркуючы па ўсім, будзе адной з галоўных.
На думку апанентаў улады, падпісаўшы скандальны закон, Літвін стаў саўдзельнікам злачынства.«Гэты антыканстытуцыйны выклік украінскаму грамадству будзе адменены новай дэмакратычнай большасцю Вярхоўнай Рады», — падкрэсьліваецца ў заяве аб’яднанай апазіцыі.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся42
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары