У Гомелі 20 жніўня раніцай затрыманы і дастаўлены ў Чыгуначны РАУС грамадскі актывіст Аляксандр Працко.
На Прывакзальнай плошчы ён прадаваў незалежную газэту «Новы час». Актывіста з 120 асобнікамі нераспраданай газеты ў аддзел даставіў старшы лейтэнант міліцыі Дзяніс Новікаў. У Працко ўзялі тлумачэнне і склалі адміністрацыйны пратакол за гандаль у неналежным месцы.
«У мяне ёсьць дамова з рэдакцыяй на продаж выдання. Я паказаў яе міліцыянтам. Патлумачыў, што ў лесе газету прадаваць не буду. "Новага часу" няма з дзяржаўнага распаўсюду, таму і даводзіцца прадаваць газету на вуліцы», -- кажа Аляксандр.
Да затрымання актывіст паспеў прадаць 5 асобнікаў «Новага часу». З РАУСу Аляксандра Працко адвезлі ў апорны пункт міліцыі на Чырвонаармейскую вуліцу. Дзеля чаго — не паведамілі.
Каментары