Выкладчык аднаго з ВНУ Екацерынбурга, які навучае студэнтаў падатковаму праву, стварыў ашуканскую схему і падмануў падатковыя органы на $600 тысяч, выкарыстоўваючы свой паэтычны талент.
«Як выявілася, кандыдат юрыдычных навук быў яшчэ і вельмі творчым чалавекам — пісаў вершы. Так, складаючы некалькі дзясяткаў „літаратурных шэдэўраў“ і будучы ўладальнікам фірмы, ён прадаў аўтарскія правы на свае творы іншай кампаніі, якую неафіцыйна сам і ўзначальваў. Кожны верш прадпрымальны выкладчык ацаніў… у 100 тысяч даляраў!» — гаворыцца ў паведамленні ГУ МУС па Свярдлоўскай вобласці.
Агулам выкладчык паспеў прадаць 33 вершы.
Атрымаўшы прыбытак, ён падаў дакументы на вяртанне падатку на суму 18 мільёнаў рублёў.
«Уласна, менавіта гэта і было канчатковай мэтай афёры», — паведамляюць у МУС.
У дачыненні да выкладчыка заведзеная крымінальная справа па артыкуле КК «Замах на махлярства, здзейсненае ў асабліва буйным памеры».
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары