Пасольства Расіі: Выбары дэпутатаў у Беларусі былі празрыстымі і адпавядалі дэмакратычным нормам
Выбары дэпутатаў палаты прадстаўнікоў у Беларусі былі празрыстымі, адкрытымі і адпавядалі дэмакратычным нормам, заявіў доўгатэрміновы назіральнік ад Расіі на выбарах дэпутатаў палаты прадстаўнікоў нацыянальнага сходу, першы сакратар пасольства Расіі ў Беларусі Сяргей Ножкін у ходзе відэабрыфінгу 5 кастрычніка на
Паводле яго слоў, выбары былі праведзеныя ў адпаведнасці з Канстытуцыяй і Выбарчым кодэксам Беларусі.Такую выснову штаб місіі назіральнікаў ад Расіі зрабіў на аснове ўласных назіранняў і зносін з іншымі назіральнікамі, заявіў Ножкін. Паводле яго слоў, заўваг да правядзення выбараў у назіральнікаў ад Расіі не было. Назіральнікі ад Расіі таксама не выявілі прымушэння выбаршчыкаў да ўдзелу ў датэрміновым галасаванні.
Паводле яго слоў, усяго было вылучана 16 назіральнікаў ад Расіі, 12 з іх кароткатэрміновых і чатырох доўгатэрміновых. Большасць з назіральнікаў з’яўляліся прадстаўнікамі пасольства Расіі ў Беларусі.
Кожныя дзве гадзіны група кароткатэрміновых назіральнікаў рабіла справаздачу перад доўгатэрміновымі назіральнікамі; яны, у сваю чаргу, перадавалі інфармацыю ў штаб місіі. Пры падліку галасоў кожны з назіральнікаў прысутнічаў на адным з тых участкаў, дзе знаходзіўся днём.Як адзначыў Ножкін, працэс назірання праходзіў наступным чынам: назіральнік прыходзіў да адкрыцця ўчастка, знаходзіўся на ім, «колькі лічыў патрэбным», а затым наведваў іншыя ўчасткі.
«Пры выніковых ацэнках мы карысталіся не толькі сваімі ўласнымі ацэнкамі, але і праводзілі шмат асабістых сустрэч», — заявіў назіральнік ад Расіі. Паводле яго слоў, пасол Расіі ў Беларусі Аляксандр Сурыкаў двойчы сустракаўся з кіраўніком місіі назіральнікаў Бюро па дэмакратычных інстытутах і правах чалавека (БДІПЧ) Арганізацыі па бяспецы і супрацоўніцтве ў Еўропе (АБСЕ) Антоніа Мілашоскі. Таксама пасол Расіі сустракаўся з дэлегацыяй членаў Савета Федэрацыі, якія прыехалі ў якасці назіральнікаў на выбары, і з дэпутатамі Дзяржаўнай думы. У перыяд доўгатэрміновага галасавання была праведзена сустрэча экспертаў місіі ад СНД і місіі БДІПЧ АБСЕ.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў2
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары