Генэральны сакратар Рады Эўропы: выбары ў Беларусі ніякім чынам нельга назваць дэмакратычнымі
Генэральны сакратар Рады Эўропы Тэры Дэвіс зрабіў заяву з нагоды прэзыдэнцкіх выбараў у Беларусі, паведамляе радыё «Свабода».
Генэральны сакратар Рады Эўропы Тэры Дэвіс зрабіў заяву з нагоды прэзыдэнцкіх выбараў у Беларусі, паведамляе радыё «Свабода».
(Дэвіс: ) «Прэзыдэнцкія выбары ў Беларусі пройдуць у атмасфэры страху і пагрозаў. У краіне няма сапраўднай свабоды выказваньня. Палітычныя апанэнты прэзыдэнта шматразова і гвалтоўна перасьледваліся. Якім бы ні быў вынік выбараў, гэтыя выбары ніякім чынам нельга назваць дэмакратычнымі» – сказаў генэральны сакратар Рады Эўропы Тэры Дэвіс напярэдадні выбараў.
(Дэвіс: ) «Лукашэнка нібыта мае сапраўдную народную падтрымку. У такім выпадку ён не павінен быў бы баяцца выпрабаваць сваю папулярнасьць у рамках свабодных і справядлівых выбараў. Рада Эўропы гатовая дапамагчы яму, калі ў будучыні ён захоча правесьці такую праверку.
Што датычыць гэтай нядзелі, элемэнту непрадказальнасьці амаль няма, але ёсьць вялікая занепакоенасьць. Рада Эўропы будзе шчыльна назіраць за падзеямі ў дзень выбараў і пасьля іх.
Беларусь – адзіная эўрапейская краіна, якая не зьяўляецца сябрам Рады Эўропы, і я толькі магу спадзявацца, што хто бы не перамог на гэтых выбарах, мы будзем выкарыстоўваць свой мандат, каб прыблізіць Беларусь бліжэй да эўрапейскага сямейства вольных і дэмакратычных народаў.
Магчыма, гэта гучыць занадта аптымістычна, але аптымізм, таксама як і прага свабоды, занадта ўпартая рэч, каб яе можна было ўціскаць на працягу доўгага часу.
Цяпер чытаюць
Лукашэнка: Што творыцца ў краіне, у нас усе гэтую гусь круцяць8
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары