Учора, у чацьвер, на паседжаньні Беларускай фэдэрацыі футболу галоўны трэнэр зборнай Юры Пунтус папрасіўся ў адстаўку.
Учора кіраўнік адміністрацыі прэзыдэнта і старшыня Беларускай фэдэрацыі футболу Генадзь Нявыглас правёў паседжаньне з удзелам трэнэраў зборных Беларусі розных узростаў, каманд вышэйшай лігі і кіраўнікоў клюбаў.
Галоўным пунктам абмеркаваньня было становішча ў нацыянальнай і моладзевай зборных краіны. На паседжаньні са справаздачай выступіў галоўны трэнэр зборнай Юры Пунтус. Ён пагадзіўся, што пастаўленыя задачы ён ня выканаў і папрасіўся ў адстаўку.
Пакуль што ніхто яго заяву не падпісваў і рашэньне ня носіць канчатковага характару, аднак мала хто сумняецца, што на наступным паседжаньні БФФ, якое пройдзе ў Берасьці, гэтая просьба будзе задаволеная.
Задачай‑мінімум для Пунтуса было заняць трэцяе месца ў сваёй адборачнай групе да чэмпіянату Эўропы. Аднак пасьля сямі тураў каманда ідзе толькі на пятым месцы, маючы ўсяго сем пунктаў. У чэрвені дружына Пунтуса двойчы бязвольна прайграла баўгарам. Пасьля той гульні ажно пайшлі чуткі, што матч быў прададзены.
Сярод прэтэндэнтаў на месца Пунтуса фігуруюць былыя настаўнікі зборнай Анатоль Байдачны і Міхаіл Вергіенка, а таксама «коўч» моладзевай зборнай Юры Курненін. Чытачы газэты «Прессбол» у сваю чаргу галасуюць за замежнага спэцыяліста.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары