Рада Літоўскага нацыянальнага тэлебачаньня і радыё пагадзілася з прапановай зачыніць адзіную расейскамоўную тэлеперадачу. Прычына – надзвычай нізкі рэйтынг.
Адзінай на літоўскім тэлебачаньні перадачай па-расейску быў штодзённы дзесяціхвілінны выпуск навінаў. Нагодай для адмовы ад трансьляцыі адзінай расейскамоўнай перадачы стаў яе нізкі рэйтынг – каля 1%. Літоўская статыстыка сьведчыць, што этнічныя расейцы складаюць 6% ад агульнай колькасьці насельніцтва краіны.
У Раду ЛНТР уваходзяць прадстаўнікі парлямэнту, прэзыдэнта і ўраду, недзяржаўных і творчых арганізацыяў. Нагадаем, што ў сакавіку 2006 г. Камісія па радыё і тэлебачаньні Літвы забараніла трансьляцыю па кабэльных сетках праграмаў Беларускага тэлебачаньня. Тую забарону літоўскі бок патлумачыў распаўсюдам беларускім тэлебачаньнем вялікай колькасьці дэзінфармацыі ў дачыненьні да Літвы.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»5
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары