«Biełaruskaja Nacyjanalnaja Pamiać» zaprašaje ŭ aŭtorak, 20 śniežnia, na prezientacyju novaj knihi Kiryła Stasielka «Marginalis»!
Marginalis — nasyčany i zachaplalny fiłasofski raman, dziejańni jakoha achoplivajuć bolš za čatyrysta hadoŭ, paŭtary sotni piersanažaŭ i dziasiatka krainaŭ, pazł z mnostva siužetnych linij i fiłasofskich dy psichałahičnych matyvaŭ, jakija składajucca ŭ adno cełaje.
Dziejańni ramana razhortvajucca vakoł uładalnikaŭ staražytnaj zahadkavaj knihi. U pošukach siabie i svajho «ja» hieroi ramana prychodziać da razumieńnia, što časam nie mienšaje značeńnie maje toje, što znachodzicca na palach, pa-za centram, pa-za miežami. Pa-za miežami historyi, žyćcia, uvahi.
Raman «Marginalis» byŭ pryznany samym nasyčanym tvoram biełaruskaj litaratury. Rekord byŭ zafiksavany biełaruskim anałaham Knihi rekordaŭ Hinesa — prajektam «Rekordy Kufara».
Miesca praviadzieńnia sustrečy: Univiersitet Łazarskaha (vulica Świeradowska, 43), sektar A, aŭdytoryja 9. Pačatak a 18 hadzinie.
Kamientary